Кирилл Бычков Саха сиригэр инвестиция үлэтин уонна тастан киирэр табаары солбуйууну көҕүлүүр миэрэлэри кэпсээтэ
Саха сирин Бырабыыталыстыбатын Бэрэссэдээтэлин бастакы солбуйааччы Кирилл Бычков өрөспүүбүлүкэ Судаарыстыбаннай Мунньаҕын дьокутааттарын кытта оробуочай көрсүһүүтүгэр өрөспүүбүлүкэҕэ сааҥсыйалары (хааччахтааһыннары) утары миэрэлэри билиһиннэрдэ.
“Экэниэмикэ тирэхтээх үүнүүтүгэр инвестиция үлэтин уонна дьоҕус уонна орто урбааны өйүөхтээхпит. Эрэгийиэҥҥэ киллэриллэр миэрэлэр чэрчилэринэн Урбааны сайыннарыы пуондата уонна «Алмазэргиэнбанк» 819 мөл. солк кээмэйдээх урбааньыттарга эргитэр үптэрин толорууга чэпчэтиилээх иэһи биэрэргэ анаан ситэри капитализацияланна”, —диэтэ Кирилл Бычков.
Пуонда чэрчитинэн эрдэ бэриллибит иэскэ кирэдьиити уһатыы көрүлүннэ. Өрөспүүбүлүкэ Экэниэмикэҕэ министиэристибэтэ аччыгый ыстаапкаҕа диэри УСН ыстаапкатын аччатыыга дьоҕус уонна орто биисинэс субъектарыгар нолуокка чэпчэтиилэр уонна тэрилтэлэр баайдарыгар нолуогу ааҕыы саҥа бэрээдэгин киллэрии болдьоҕун көһөрөр тустарынан сокуон барылын торумнуур.
Сааҥсыйалар усулуобуйаларыгар үрдүк технологиялаах омук тэрилин түргэнник солбуйуу уонна судаарыстыбаҕа уонна кэтэх секторга кибер-куттал суох буолуутун хааччыйыы кыһалҕата тирээтэ.
“Тутаах көҕүлээһиннэринэн бырагырааманан хааччыйыы, оргтиэхиньикэ уонна ИТ инфраструктураны сайыннарыы аналогар көһүү быһаарылынна. Саха сирин баһылыгын быһаарыытынан Саха сиригэр регистрацияламмыт, ИТ-салаа аккредитацияламмыт хампаанньаларын өйүүргэ 300 мөл солк. көрүллүөҕэ”, — диэтэ вице-премьер.
IT-Парка резиденнэрин арендаларын төлөбүрүгэр ороскуоттарын толуйууга быһаарыы ылылынна.
Ону сэргэ Алмазэргиэнбанк устааптаах хапытаалын 2 млрд солк улаатыннаран экэниэмикэ секторын салгыы 12 млрд солк. кирэдьииттээһиҥҥэ этиллэр.
Сайдыы институттарын тиһигин атыҥҥа туһулуурга уонна өрөспүүбүлүкэҕэ инвестиция стандартын олоххо киллэриини түргэтэтии былааннанар.
Ону сэргэ тастан киирэрэ кыаллыбат бородууксуйаны, табаардары, тэриллэри уонна технологиялары солбуйууга соруктары суһаллык быһаарарга суһал бөлөх тэрилиннэ, онон табаары, сырьену, тэрили, тиэхиньикэни уонна кэмпилиэк чаастарын кэлиитэ хааччыллыахтаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Петр Павлов хаартыската, Ил Түмэн пресс-сулууспата
Бэлэмнээтэ Женни Стрюкова