Кирилл Бычков дьоҕус кыамталаах атомнай ыстаансыйаны тутуу ыстаабын мунньаҕын ыытта

Ааптар: 
Бөлөххө киир:

Саха сирин Бырабыыталыстыбатын бэрэссэдээтэлин бастакы солбуйааччы Кирилл Бычков Усуйаана оройуонугар дьоҕус кыамталаах атомнай ыстаансыйаны тутуу бырайыагын олоххо киллэрии боппуруостарын көрдө.

Ол курдук, суол каартатынан 2021 сыл бэс ыйыгар Уус Куйга бөһүөлэгэр дьоҕус кыамталаах атомнай ыстаансыйалары (салгыы – АСММ) туруоруу тулалыыр эйгэҕэ дьайыытыгар уопсастыбаннас истиитэ буолбута. Билигин бырайыакка бэлэмнэнии үлэтэ ыытыллар, инвестицияны чопчулууллар, судаарыстыбаннай экологическай чинчийиигэ анаан матырыйааллары бэлэмнииллэр.

Тутуу Уус Куйга, Казачье, Депутатскай нэһилиэнньэлээх пууннарын уотунан хааччыйыаҕа, ону тэҥэ бырамыысыланнас тэрилтэлэрин. Ол курдук, сүрүн туһанааччылартан биирдэстэринэн Күчүстээҕи кыһыл көмүс баайдаах сир буолуоҕа.

Күчүстээҕи баайдаах сири баһылааһын операторынан “Селигдар” ПАУо буолар. 2022 сылтан 2024 сылга диэри манна геологическай –чинчийэр үлэлэри ыытыахтара, технологическай регламены оҥоруохтара. ГОК-у былааннааһын уонна тутуу 2025-2026 сылларга күүтүллэр.

Санаттахха, 2019 сылга Саха Өрөспүүбүлүкэтин уонна “Росатом” ГК икки ардыларыгар бииргэ үлэлээһиҥҥэ сөбүлэһии түһэрсиллибитэ, онно олоҕуран АСММ-ы Усуйаана оройуонун Уус Куйга бөһ. тутуохха сөбүн көрбүттэрэ. Маны бырамыысыланнай туһаныыга киллэрии 2028 сылга диэн чопчуламмыта.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: тустаах саайтан

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0