Кирилл Бычков биисинэс салаатын түмсэн, дьоҕус уонна орто урбааны өйүүр миэрэлэри киллэрэргэ эттэ
Кирилл Бычков биисинэс салаатын түмсэн, дьоҕус уонна орто урбааны өйүүр миэрэлэри киллэрэргэ эттэ.
Эрэгийэн бырабыыталыстыбатын бэрэссэдээтэлин солбуйааччы Кирилл Бычков Урбаан министиэристибэтин арендатордары уонна арендаҕа биэрээччилэри кытта дуогабардарын сүрүннүүлэригэр сорудахтаата. Ону тэҥэ кини биисинэс салаатын түмсэргэ уонна дьоҕус уонна орто урбааны өйүүр миэрэлэри киллэрэргэ эттэ. Бу туһунан кини Инстаграмҥа бэйэтин аккаунугар иһитиннэрдэ.
“Эпидемия турбутунан сибээстээн эргиэн эбийиэктэригэр, аһылык туочукаларыгар, спортивнай саалаларга, туристическай, сынньанар сирдэргэ дьон сылдьыыта аҕыйаата. Бүгүн Урбаан министиэристибэтигэр арендатордары уонна арендаҕа биэрээччилэри кытта дуогабардары сүрүннүүргэ этиилэри киллэрэлэригэр сорудахтаатым”, — диэн Кирилл Бычков иһитиннэрдэ.
“Икки өрүттэр бырааптара уонна интэриэстэрэ учуоттаныахтаах. Маннык үөскээбит быһыыга-майгыга кимнээх эмэ интэриэстэрэ аһары тутуллуо суохтаах. Ол эрээри бары хаарчахтыыр миэрэлэр тутуһуллуохтаахтар, — диэн бырабыыталыстыба бэрэссэдээтэлин солбуйааччы бэлиэтээтэ.
“Маны сэргэ биисинэс-түмсүүнү тустаах министиэристибэҕэ бары сүбэлэһэн дьоҕус уонна орто биисинэһи өйүүр миэрэлэргэ этиилэргитин киллэрэргитигэр ыҥырабын.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Бэлэмнээтэ Женни Стрюкова, «Саха сирэ» хаһыат».