Кирилл Алексеевтыын бырастыылаһыы кулун тутар 13 күнүгэр буолуоҕа

Сарсын, кулун тутар 13 күнүгэр, Бэчээт дьиэтигэр (Орджоникидзе уул.31) медиа-кииҥҥэ «Сахамедиа» генеральнай дириэктэрэ Кирилл Викторович Алексеевтыын бырастыылаһыы сарсыарда 10:00 ч.буолуоҕа. Санатан эттэххэ, Кирилл Алексеев 49 сааһыгар сылдьан соһумардык күн сириттэн күрэннэ.

Кирилл Викторович Алексеев бэс ыйын 1 күнүгэр 1969 с. Дьокуускай куоракка төрөөбүт. 

1995 с. М.К. Аммосов аатынан СГУ суруналыыстыкаҕа салаатын, 2011 с. МГУ суруналыыстыкаҕа салаатын бүтэрбит.

1995 с. «Наше время» хаһыаты тэрийбит.

1997 с. «Наше время» хаһыат сүрүн эрэдээктэрэ.

1999 — 2004 с. «Наше время» хаһыат дириэктэр-эрэдээктэрэ.

2004-2008 с. «Столица» теле-хампаанньа генеральнай дириэктэрэ.

2008-2014 с. «Наше время» бэчээттээн таһаарар хампаанньа генеральнай дириэктэрэ.

2012 сыллаахтан «Сахамедиа» холдинг генеральнай дириэктэрэ.

СӨ бэчээтин туйгуна.

edersaas.ru