Тугу да өйдөөбөт буолуор диэри итирбит киһи буруйу оҥоруу сиэртибэтэ буолара дэбигис — малын-салын уордарыан, халатыан, кырбаныан да сөп.
Вера МАКАРОВА, «Саха сирэ» хаһыат, https://edersaas.ru/
СӨ ИДьМ-тын пресс-сулууспата иһитиннэрбитинэн, Дьокуускай куорат Я.Потапов уулуссатыгар турар кафе-бартан тыллабыр киирбит — итиннэ сынньанан тахсыбыт киһи кирилиэскэ олордоҕуна, киниттэн хары чаһытын уонна ювелирнай оҥоһуктары уорбуттар.
1 №-дээх полиция отделын оперативниктара бу уорууга уорбаланааччылары туттулар — урут сууттамматах 19 уонна 21 саастаах уолаттар. Кинилэр дьиэлэриттэн ломбард квитанцияларын булбуттар — уоруллубут малларын барытын онно туттарбыттар.
Бу чахчынан РФ Холуобунай кодексатын 158-с ыст. 2-с чааһынан холуобунай дьыала тэрилиннэ.Вера МАКАРОВА, «Саха сирэ» хаһыат, https://edersaas.ru/
Хаартыска: интернеттэн