Сүрүн Уопсастыба

Кириип уонна COVID-19 туох атыннаахтарый?

Кириип уонна COVID-19 сыстыгыннаах ыарыылар бэйэ-бэйэлэриттэн туох уратылаахтарын туһунан Роспотребнадзор исписэлиистэрэ быһаарыы биэрдилэр. 

edersaas.ru

Онно этиллэринэн, киһи доруобуйатыгар коронавирус кирииптээҕэр ыараханнык дьайар.

Майгыннаһар өрүттэрэ

Икки сыстыганнаах ыарыылар биллибэккэ сылдьыахтарын, чэпчэкитик уонна ортоһуордук  аһардыллыахтарын сөп. Иккиэн ыараханнык киирэн, киһини өлүүгэ тириэрдэр кутталлаахтар. Икки вирус иккиэн ытырдыынан, сөтөлүнэн салгын нөҥүө сысталлар. Ыалдьыбыт киһи туппут тэриллэриттэн эмиэ сысталлар. Онон мааска кэтиэххэ, илиини сууна сылдьыахха уонна социальнай арыты тутуһуохха наада.

Туох атыннаахтарый?

Бастатан  туран, уратылара — сыстыы кэмэ, хаамыыта (инкубационный период). Кириип вируһа сыһыннаҕына, өр буолбакка биллэр. COVID-19 биллэрбэккэ «сиир». 5-6  күн буолан баран, биирдэ баарын биллэрэр. Кириип вируһа сыстыбыта 3-5 күн иһигэр биллэр  буоллаҕына, COVID-19 24-48 чаас иһигэр сыстан баран, баарын өр биллэрбэт.  Онон-манан биллэр сибики баарыгар болҕомтотун уурбат. Киһи доруобуйатын туругар оҕустарбат курдук, онон «былдьатар».

Бүгүҥҥү күннээҕи туругунан, COVID-19 ыарыыны 80% киһи чэпчэкитик аһардар. 15% киһи – ыараханнык, 5% киһи — өлөр туруктаахтык. Коронавирус ордук ыараханнык саастаах дьоҥҥо уонна уустук дьарҕа ыарыылаах дьоҥҥо дьайар.

Сиһилии бу туһунан интэриниэккэ маннык аадырыска киирэн көрүҥ: https://www.who.int/docs/default-source/coronaviruse/situation-reports/20200307-sitrep-47-covid-19.pdf?sfvrsn=27c364a4_2

Хаартыска: restorationmasterfinder.com

0
0
Telegram @edersaas20

Добавить комментарий