Бу күннэргэ Сунтаар улууһун баһылыга Анатолий Григорьев тутуу салалтатын кытта Кириэстээх оскуолатын уонна Хордоҕойго спорт киинин тутуутун хаамыытын билистилэр.
Улуус дьаһалтатын пресс-сулууспата иһитиннэрбитинэн, Кириэстээх оскуолатын тутуутун «ФОРС» тэрилтэ номнуо 96,5%-нын бүтэрбит. Оскуола 120 миэстэлээх. Ол курдук ититэр ситимнэр, сибээс, уу, уот ситимнэрэ тардыллыбыттар, оскуола таһынааҕы былаһаакка оҥоһуллубут, Билиҥҥитэ тутууга 34 киһи үлэлии сылдьар. Тутааччылар эбийиэги кэлэр ыйга үлэҕэ киллэриэхтээхтэр.
Оттон «Тиит» тэрилтэ Хордоҕойго спортивнай киин тутуутун 92%-нын бүтэрбит.
edersaas.ru
+1
+1
+1
+1
+1
+1
+1