«Кириэстээх» ТХПК бэтэрээннэригэр эт, арыы түҥэттэ

Бөлөххө киир:

Балаҕан ыйын ортотугар “Кириэстээх” ТХПК кэпэрэтиипкэ 20 сыл үлэлээбит бэтэрээннэригэр 10 киилэ эти, 10 киилэ арыыны түҥэтэлээтэ.

Холкуоска, сопхуоска, кэпэрэтиипкэ 16 сааспыттан биэнсийэҕэ тахсыахпар диэри үлэлээбитим. Ньирэйи, субай сүөһүнү көрбүтүм, ыанньыксыттаабытым. Биэнсийэҕэ тахсыбытым 32 сыл буолла эрээри, бу бэтэрээннэрбитигэр диэн анаан хаһан да биэрэ иликтэр этэ. Онон кэпэрэтиип дириэктэрэ Владимир Семенович Егоровка улаханнык махтанарбытын тиэрдээри гынабын. Кырдьаҕастарга болҕомто буоллаҕа. Биһиги дьиэ кэргэҥҥэ өссө 17 сааһыттан 60-гар диэри илиитин араарбакка үлэлээбит оҕонньорбор уонна уолбутугар эмиэ биэрдилэр. Онон үөрэн олоробут, — диэн Дьоруой Ийэ, 82 саастаах ытык кырдьаҕас Дария Ивановна Васильевна үөрүүтүн үллэстэр.

Манна даҕатан эттэххэ, Сунтаар улууһугар Үлэ Дьоруойдаах “Кириэстээх” кэпэрэтиипкэ бородууксуйа сыаната өрөспүүбүлүкэ үрдүнэн саамай чэпчэки. Ыам ыйыттан саҕалаан алтынньыга диэри үүт бородууксуйатыгар сыаналарын анаан түһэрэллэр. Ол курдук, 1 киилэ үүт сыаната – 50 солкуобайга, суорат—40 солкуобайга, иэдьэгэй – 50 солкуобайга, арыы – 700 солкуобайга тэҥнэһэр. Ол туһунан бу сайын суруйан турабыт.

Маны таһынан, кэпэрэтиип бэйэтин үлэһиттэригэр эмиэ быдан чэпчэтиилээх сыананан бородууксуйатын атыылыыр, материальнай көмөнү оҥорор.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

+1
0
+1
0
+1
0
+1
0
+1
0
+1
0
+1
0