Эһиил, 2021 сылга, үгэс быһыытынан ыытыллар Кириһиэнньэ сөтүөтэ буолбат буолла.
edersaas.ru
«Бу маннык быһаарыыны Дьокуускайдааҕы уонна Ленскэйдээҕи архиепископ Роман салайар Епархиальнай сэбиэтэ ылынна», — диэн СИА иһитиннэрэр. Ол эрээри сибэтиэй ууну христианскай итэҕэли тутуһар дьон Таҥара дьиэтигэр аҕалан, «сибэтии» гыннарыахтарын сөп.
— Кириһиэнньэ күнүгэр ойбоҥҥо маассабай сөтүөлээһини коронавирус сыстыганнаах дьаҥынан сибээстээн тэрийбэт буоллубут. Христианнар ууларын Таҥара дьиэтигэр аҕалан ыраастатыахтарын сөп эбэтэр храмҥа баар улахан баахтан волонтердар дьон мустуутун таһаарбат сыалтан, бэйэлэрэ тааралаах кэлбит дьоҥҥо ыраас ууну кутан бириэхтэрэ, — диэн Дьокуускайдааҕы епархия пресс-сэкирэтээрэ Елисавета ийэбиит иһитиннэрдэ.
Быйыл тохсунньуга өрөспүүбүлүкэ 25 оройуонугар тэрээһиннээх Кириэһэнньэ сөтүөтэ тэриллибитэ.
Елена ПОТОЦКАЯ, «Саха сирэ» хаһыат, edersaas.ru
Хаартыска: Андрей Сорокин, СИА.