Бааллар этэ Наахараҕа өһүө курдук чиргэл оҕонньоттор бэртэрэ – уоту-буурҕаны, суту-курааны ортотунан ааспыт бэтэрээннэр. Кинилэртэн биирдэстэрэ – сэрии, үлэ бэтэрээнэ Григорий Васильевич Платонов.
edersaas.ru
Соторутааҕыта Григорий Васильевич төрөөбүтэ 100 сылынан кини оҕолорун, сиэннэрин уонна чугас хаан-уруу аймахтарын Игнатьевтар тэрийиилэринэн Наахара орто оскуолатыгар научнай ааҕыылар (“Моя семья в колесе истории”) буолан аастылар. I уонна II Наахара нэһилиэктэриттэн 13 дакылааты иһиттилэр. Дьүүллүүр сүбэҕэ олордулар: Платонов В.Г. кыра кыыһа, СӨ үөрэҕин туйгуна Яковлева А.Г., Наахара орто оскуолатын историяҕа учуутала, СӨ үөрэҕин туйгуна Ларионова Н.С., Тиэлиги орто оскуолатын алын сүһүөх кылаас учуутала, СӨ үөрэҕин туйгуна Пахомова Н.В., сиэнэ, Майатааҕы лицей үөрэнээччитэ Вера Платонова.
Үөрэнээччилэр дакылааттарыгар бэйэлэрин төрүттэригэр-уустарыгар баар чулуу дьоннорун сырдаттылар.
Түмүккэ кыайыылаахтарынан буоллулар: лауреатынан Аина Иванова (Тиэлиги, сал. Пахомова Н.В., “Чөрөөк Уйбаан спорка ситиһиилэрэ»); бастакы степеннээх дипломант Витя Соловьев (Хочо, сал. Ларионова Н.С., “Хос эһэм – мин киэн туттуум” ); иккис степеннээх дипломант Диана Гаврильева (Хочо, сал. Гаврильева Л.П., “Степанов В.К. – култуура эстафетатын төрүттээччитэ); үһүс степеннээх дипломант Айтал Гаврильев (Тиэлиги, сал. Пахомова Н.В., “Бастыҥ механизатор Сивцев И.И.); анал аат Эрик Луковцев (Хочо, сал. Луовцева Ф.Н., “Хос-хос эһэм Кириллин П.Н. – Маҥан Бүөтүр”).
Бастаабыт оҕолор сыаналаах бириистэринэн, өйдөбүнньүк бэлэҕинэн, сертификатынан бэлиэтэннилэр.
Сэрии уонна үлэ бэтэрээнэ Платонов Г.В. оҕолоро үөрэммит оскуолаларыгар махтанан принтер бэлэхтээтилэр. Научнай ааҕыылары кыыһа, педагогическай үлэ бэтэрээнэ, СӨ үөрэҕириитин туйгуна Нина Григорьевна Слепцова иилээн-саҕалаан ыытта.
Елена Прокопьева, уопсастыбаннай кэрэспэдьиэн. edersaas.ru