Билигин үгүс киһи кирэдьиитинэй каартанан туһанар. Ол гынан баран билигин балаһыанньа кытаатан, бааҥҥа иэһи төлүүргэ сорохтор ыарахаттары көрүстүлэр. Онон кирэдьиитинэй каартанан туһанааччылар кирэдьииккэ каникулунан туһаныахпытын сөп дуо диэн ыйытар буоллулар.
http://объясняем.рф саайтка суруйалларынан, кирэдьиитинэй каарталаах дьон каникулунан туһаныахтарын сөп.
Каникулы туһаныы сүрүн усулуобуйата:
— дохуот кэлиҥҥи ыйга 30 % кэриҥэ түспүт буоллаҕына;
-каарта 2022 сыл кулун тутар 1 күнүгэр диэри оҥоһуллубут буолуохтаах;
-кирэдьиит лимиитэ 100 тыһ. солк. улахан буолуо суохтаах:
— каникул биир ыйтан алта ыйга диэри бэриллиэн сөп;
— каникулы 2022 сыл балаҕан ыйын 30 күнүгэр диэри оҥорторуохха сөп.
Баан ханнык докумуоннары ирдиэн сөбүй?
— 2-НДФЛ ыспыраапка;
— үлэтэ суоххун туоһулуур ыспыраапка;
— больничнай лиис.
edersaas.ru
+1
+1
+1
+1
+1
+1
+1