Суут Горнай улууһун урбаанньытыттан кыбартыыратын ыларга уураахтаата.
Горнай урбаанньыта бизнеһин сайыннараары, атаҕар туруораары СӨ Урбааны сайыннарыы фондатыттан кирэдиит ылан баран, бастаа утаа, ый ахсын иэһин кыралаан төлүү сылдьыбыт. Арааһа харчыга ыктаран эбитэ дуу, урбаанньыт графигы кэһэн, ыйдааҕы усунуоһун төлөөбөт буолбут.
Анивера АКИМОВА, www.edersaas.ru.
Фонд үлэһиттэрэ күүтэ-кэтэһэ сатаан баран, суукка сайабылыанньа түһэрбиттэр. Урбаанньыт иэс ыларыгар солуок быһыытынан 37,5 кв. миэтэрэ иэннээх 1 хостоох кыбартыыратын уурбут эбит. Суут уурааҕынан, ол кыбартыыра Фонда туһатыгар былдьанна. Онтон кыбартыыра атыытын маҥнайгы сүһүөх (начальнай) сыаната 377 000 солк. быһыллыбыт. Кыбартыыра атыытыттан киирбит үп-харчы иэс суотугар барыахтаах.
+1
+1
+1
+1
+1
+1
+1