Өскөтүн бүддьүөккэ кыайан хапсыбатахха, үрдүк үөрэх кыһатыгар хайдах киириэххэ сөбүй? Маныаха үөрэх кирэдьиитэ абырыан сөп. Үөрэх кирэдьиитэ баарын туһунан истибиккит дуо?
Арассыыйа олохтоохторун 14 бырыһыана үөрэххэ кирэдьиит ылар баҕалаахтар. Ол эрээри сорохтор маннык аналлаах кирэдьиит баарын истэ-билэ иликтэр эбит.
Бүтүн Арассыыйатааҕы уопсастыбаннас санаатын үөрэтэр киин (ВЦИОМ) ыыппыт чинчийиитинэн, үөрэниэн баҕалаахтар үксүн аймахтарыттан эбэтэр доҕотторуттан иэс ылар санаалаахтара биллибит. Маннык ыйытыллыбыт дьон 29 бырыһыана ыларга эрэнэр. Ол курдук, 18-24 саастаах эдэр дьон чугас дьонуттан иэс ылыам дии саныыр. Ыйытыллыбыт дьонтон чиэппэрэ потребительскай кирэдьиит ылан төлүөхпүт диэбиттэр, оттон анал үөрэх кирэдьиитин 14 бырыһыан респондент ыларга суоттанар.
Арассыыйа олохтоохторун 44 бырыһыана чугастааҕы 2-3 сылга үөрэх кирэдьиитэ киэҥник биһирэниэ диэн толкуйдаах.
Мария Агранович, “Российская газета” хаһыаттан
Бэлэмнээтэ Женни Стрюкова.
Хаартыска: тустаах саайтан.