Маны аах Сүрүн Уопсастыба

Кирбэйгэ оскуола-саад тутуллар

Өлөөҥҥө Кирбэй  нэһилиэгэр (Харыйалаах) оскуола-саады туталлар. Бу 120/75 миэстэлээх буолар диэн иһитиннэрэллэр.

Саҥа дьиэни балаҕан ыйыгар аһар былааннаахтар диэн Улус Медиаҕа суруллар. Билигин оскуола-саад ис өртүн ситэрэллэрэ-хотороллоро эрэ хаалбыт.

 

Оҕоҕо билиини-көрүүнү биэрэр, иҥэрэр аналлаах дьиэни ураты оҥорор туһуттан, Дьокуускайтан идэлээх дьону анаан-минээн ыҥырбыттар. Онон архитектурнай дизайнердар туох баар кыһамньыларын ууран үлэлииллэр. Сырдаталларынан, манна Өлөөн ханна да хатыламмат уратылара киллэриллэллэр.
Дизайнердар бөлөхтөрө тиийиэн эрэ иннинэ, оройуон баһылыга нэһилиэк уопсастыбаннаһын кытары көрсөн тутуу уонна саҥа дьиэ аһыллыытыгар тэрээһин туһунан сэһэргэспит, олохтоохтор санааларын истибит. Нэһилиэк олохтоохторун үөрүүлэрэ муҥура суох. Манна өссө хочуолунай уонна 16 кыбартыыралаах дьиэ тутулла турара дьону-сэргэни улаханнык сэргэхситэр.
0
0