Кинигэ нэдиэлэтигэр оҕолор көхтөөхтүк кытыннылар

Ааптар: 
Бөлөххө киир:

Таатта улууһун Дьохсоҕон нэһилиэгэр «Алампа» аатынан норуот айымньытын дьиэтэ, М.А.Петров аатынан нэһилиэк бибилэтиэкэтэ алын сүһүөх кылаас оҕолоругар үгэс курдук сыллата ыытыллар «Бары ааҕабыт!» диэн кинигэ нэдиэлэтин тэрийдилэр.

Тэрээһин сэргэх, кыттыы көхтөөх буолла. Күөн күрэскэ Дьохсоҕон, Ытык К үөл, Уолба оскуолатын оҕолоро ох курдук оҥостон, кустук курдук куоһанан, бэлэмнэнэн кытыннылар. Үс оскуолаттан барта 102 үлэ киллэрилиннэ. Манна хас биирдии түһүмэххэ кыайылааҕынан тахсыбыт оҕолору билиһиннэрэбин.

Бастакынан, Х.К.Андерсен остуоруйаларыттан «Умнумуоҕуҥ, Андерсен остуоруйаларын» диэн оҕолор билиилэрин-көрүүлэрин тургутар викторинаҕа кыайыылаахтарынан Дьохсоҕон орто оскуолатын үөрэнээччилэрэ Мичийэ Яковлева, Таня Юмшанова, Вика Попова буоллулар.

Дьиэтээҕи бибилэтиэкэттэн оҕоҕо аналлаах кинигэлэр быыстапкаларыгар кыттан Вика Попова, Кирилл Татаринов уонна Айсен Никонов (Дьохсоҕон оскуолата) түмүккэ кыайыылаахтарынан таҕыстылар.

«Мин таптыыр хоһоонум» диэн сөбүлүүр хоһооннорун өйтөн ааҕыыга күөн күрэс видеонан ыытылынна. Хоһоон түһүлгэтигэр тоҕус оҕо кытынна. Бастыҥнарынан Дьохсоҕон оскуолатыттан Лилия Заворотная, Алияна Ючюгяева, Мичийэ Яковлева, Айыллаана Попова ааттаннылар.

Лүөччүк-космонавт, ССРС геройа Ю.А.Гагарин космоска көппүтэ 60 үбүлүөйдээх сылыгар анаммыт уруһуй уонна араас оҥоһуктар куонкурустарыгар  барыта 50-тан тахса үлэ киирдэ. Манна бэртээхэй уруһуйдары сэргэ, болҕомтону тардар оҥоһук арааһа баар. Куонкуруска киирбит үлэлэри дьүүллүүр сүбэ көрөн баран Айгуля Сивцева, Алеся Бабанова, Саяна Никонова, Мичийэ Яковлева, Таня Попова, Вика Попова үлэлэригэр саамай үрдүк сыанабыллары биэрдэ.

«Ийэм миэхэ остуоруйа ааҕар» диэн ийэ оҕотугар дорҕоонноохтук ааҕыытыгар аудио-видео күрэһэ ыытылынна. Манна Кирилл Татариновка ийэтэ Е.С.Татаринова (Дьохсоҕон) Моисей Ефимов «СЭРГЭХЧЭЙ, БЭРГЭНЧЭЙ» остуоруйатын ааҕыыта бастыҥ буолла.

РФ Наука уонна технология сылынан «Дьиэтээҕи бибилэтиэкэттэн кинигэлэр» быыстапкаҕа кыттыбыт Дьохсоҕон оскуолатын үөрэнээччитэ Айаал Юмшанов грамотанан наҕараадаланна.

«Кинигэҕэ угарга бэйэм оҥорбут бэлиэм» күрэскэ бэртээхэй бэлиэни толкуйдаан оҥорбут Леня Захаров,
Алияна Ючюгяева, Ираида Захарова кыайыылаахтарынан таҕыстылар.

СӨ бибилэтиэкэлэрэ ааҕыы эйгэтин кэҥэтэр сыаллаах тэрийбит «Оҕолор ааҕаллар» бырайыагар, сөбүлүүр айымньыларыттан быһа тардан ааҕыыларыгар үс  видео киирэн, үһүөн бириистээх миэстэлэри үллэһиннилэр. Манна Дьохсоҕон орто оскуолатын 4 кылааһыгар үөрэнэр уолаттар 1 миэстэни ыллылар. Иккис бириистээх миэстэҕэ эмиэ бу оскуола 4 кылааһыгар үөрэнэр кыргыттар, үһүс бириистээх миэстэҕэ Дьохсоҕон оскуолатын 2 кылааһын уолаттара таҕыстылар.

Бу күөн күрэскэ Ытык Күөл оскуолатыттан Постникова Айна, Уолба оскуолатыттан Рахлеев Павлик, Мосоркин Костя, Афанасьев Айхал, Рахлеева Маша кыайыылаахтарынан буоллулар.

Кинигэни ааҕыыга тапталы иҥэрэргэ учууталлар, төрөппүттэр, тапталлаах эбэлэр уонна эһэлэр күүстээх көмөлөрүнэн, салгыбат кыһамньыларынан сыл аайы ыытыллар «Оҕо кинигэтин нэдиэлэтигэр» оҕолору көхтөөхтүк кытыннарбыттарыгар махтал!

Күүтүүлээх күөн күрэс бастыҥнара, кыайыылаахтара грамоталарынан, бириистэринэн, туоһу суруктарынан бэлиэтэннилэр.

Галина Другина,

М.А.Петров аатынан нэһилиэк бибилэтиэкэтин сэбиэдиссэйэ,

Дьохсоҕон, Таатта.

Хаартыскалар уонна видеолар Г.Н.Другина тиксэриилэрэ.

+1
0
+1
0
+1
0
+1
0
+1
0
+1
0
+1
0