Бүгүн “Кини кыыһа” киинэ сүрэхтэниэҕэ

Ааптар: 
Бөлөххө киир:

Бүгүн, балаҕан ыйын 28 күнүгэр, Татьяна Эверстова режиссердаах “Кини кыыһа” (“Его дочь”) киинэ улахан экраҥҥа сүрэхтэниитэ буолар. edersaas.ru

Киинэҕэ 1972 сыллааҕы тыа сирин олоҕо көстөр. Эбээлээх эһээтигэр иитиллэр Таня диэн кыысчаан сүрүн дьоруой буолар. Кыыс барыта кэрэ, ыраас, сырдык олоҕо биир-биир алдьанан, эрэлэ сүтэн, күн сириттэн күрэммит аҕатын кытта кэпсэтэрэ, киниттэн көмө көрдөһөрө киинэҕэ ойууланар.

Режиссер Татьяна Эверстова бу киинэни бэйэтин төрөөбүт нэһилиэгэр устубут. Кини: “Билигин ааспыт оҕо сааспын ырыта саныыбын, онно миигин таптал, үтүө сыһыан эрэ тулалыыра. Киинэбэр билигин биһиги кэккэбитигэр суох өбүгэлэрим, чугас дьонум туһунан уһуллум. Бу нөҥүө мин кинилэргэ тапталбар билинэбин”, — диэн бэйэтин туһунан уһулбут киинэтин сэһэргиир. “Кини кыыһа” Татьяна устубут бастакы толору кээмэйдээх киинэтэ буолар, бу иннинэ кылгас киинэлэри устубута. 2010 сыллаахха француз кинематографтарын өйөөһүннэринэн “Хоро ОйУлуун продакшн” диэн хампаанньатын төрүттээбитэ. Манна устар бөлөх сүрүн дьонунан француз киинэ идэлээхтэрэ үлэлээбиттэрэ.

Киинэ бүгүҥҥэттэн Саха сирин бары киинэ тыйаатырдарыгар көстүөҕэ, сонун устууну көрөргүтүгэр сүбэлиибит. edersaas.ru

“Кини кыыһа” киинэ трейлерин манна көрүҥ:

+1
0
+1
0
+1
0
+1
0
+1
0
+1
0
+1
0