Кини аата — Алмаас!

Ааптар: 
Бөлөххө киир:

Үрүҥ эһэ оҕотун ааттыырга биллэрбит күрэстэрэ түмүктэммит. Аны, мантан инньэ, кини аата — Алмаас! 

«Роснефть» хампаанньа «Орто Дойду» зоопарканы уонна СӨ Экология, айылҕаны туһаныы уонна ойуур хаһаайыстыбатын министиэристибэтин кытары үрүҥ эһэ оҕотугар аат толкуйдааһыныгар биллэрбит күрэстэрин түмүгүн таһаарбыттар. Бу туһунан СИА суруйар.  Санатар буоллахха, Халымааналаах Ломоносов диэн үрүҥ эһэлэр оҕолоро ахсынньыга төрөөбүтэ.

Күөн күрэскэ кыттааччылар үрүҥ эһэ оҕотугар аат толкуйдаан бараннар зоопарка официальнай аккаунугар уонна «Роснефть» хампаанньа социальнай тиһиктэригэр суруйан биллэрбиттэрэ. Куонкурус биллэриллибитин уонна ханнык ааттары дьон ордук биэриэн баҕарарын туһунан биһиэхэ тахсан турар.
Барыта 1000-тан тахса аат арааһа киирбит. Оттон түмүккэ, «Алмааска» саамай элбэх куолас бэриллибитэ быһаарыллыбыт.
Күрэс ыытыллар кэмигэр эһэ оҕото балачча обургу буолбут. Сүүрэрэ-көтөрө элбээбит. Билиэх-көрүөх баҕата улааппыт. Зоопарка үлэһиттэригэр үөрэммит. Кини муус устарга, аан бастаан, ийэтин кытары арҕахтан тахсарыгар ыйааһына 18 киилэ эбит  буоллаҕына, билигин 30-ка чугаһаппыт.
+1
0
+1
0
+1
0
+1
0
+1
0
+1
0
+1
0