СӨ Үлэҕэ уонна социальнай сайдыыга минис¬тиэристибэтин чахчытынан, бу сыл устата социальнай хантараагынан уопсайа 728 мөлүйүөн суумалаах көмө оҥоһулунна. Мантан 90-тан тахса бырыһыанын тыа сирин олохтоохторо туһаммыттар. Социальнай көмө орто кээмэйэ бастакы сыллардааҕар лаппа үрдээн, билигин ортотунан 153,5 тыһыынча солкуобайга тэҥнэһэр. Билигин даҕаны социальнай хантараак харчытын өрөспүүбүлүкэ олохтоохторо бэйэ дьыалатын арыйарга уонна кэтэх хаһаайыстыбаны хаҥатарга туһаналлар эбит.
edersaas.ru
Cоциальнай хантараагынан ким туһаныан сөбүй?
— Алын дохуоттаах дьиэ кэргэттэр, алын дохуоттаах соҕотох олорор дьон.
Сайаапканы ханна биэрэллэрий?
•
Бу көмөнөн туһаныан баҕалаахтар олорор сирдэринэн социальнай харысхал управлениетыгар эбэтэр олохтоох дьаһалтаҕа сайабылыанньа суруйаллар. Итини сэргэ, судаарыстыба өйөбүлүгэр наадыйарын бигэргэтэр кэккэ докумуону туттарара ирдэнэр.
Ханнык докумуоннар наадаларый?
— РФ гражданинын пааспарын куоппуйата, оҕолор төрөөбүттэрин туоһу суруктара;
— Сайаапканы биэрээччи уонна кини дьиэ кэргэнин чилиэннэрин үс ый иһигэр дохуоттарын көрдөрөр туоһу сурук;
— Үлэ киниискэтин куоппуйата (бүтэһик үлэ миэстэтэ суруллубут буолуохтаах)
— Сайаапканы биэрээччи уонна кини дьиэ кэргэнин чилиэннэрэ дьарыктаах буолуу киинигэр учуокка туралларын туоһулуур доку¬муон итиэннэ бу сулууспаттан социальнай төлөбүр ылар буоллаҕына, ону бигэргэтэр ыспыраапка;
— Дьиэ кэргэнин уонна олорор балаһыанньатын көрдөрөр анкета;
— Кэтэх хаһаайыстыбаны сайыннарыы, бэйэ дьыалатын тэринии, ону тэҥэ олох хаачыстыбатын тупсарыы былаана.
Надежда ЕГОРОВА, “Саха сирэ”, edersaas.ru