Саха Өрөспүүбүлүкэтин Судаарыстыбаннай Мунньаҕын (Ил Түмэн) норуодунай дьокутаата Руслан Федотов Арассыыйа Федерациятын Конституциятыгар киллэриллэр уларытыыларга санаатын үллэһиннэ.
“Саха срин олохтоохторо төрүт култуураларын, үгэстэрин, айылҕаттан мындыр буолууларын уонна биһиги элбэх омуктаах судаарыстыбабытын уонна улуу култуурабытын төрүттээбит былыргы өбүгэлэрин ытыктыыллар. Биллэн турар, бу үтүө сыаннастары Төрүт сокуоҥҥа киллэрэр дьоһун суолталаах. Холобур, 67.1 ыст. 3 п. Арассыыйа Федерацията Аҕа дойдуну көмүскээччилэр үтүө ааттарын умнубат, устуоруйа дьиҥ кырдьыгын көмүскээһини хааччыйар. Аҕа дойдуну көмүскээһиҥҥэ норуот хорсун быһыытын суолтатын намтатар табыллыбат”, — диэн бэлиэтээтэ кини.
Руслан Федотов бу ыстатыйаны Конституцияҕа Арассыыйа кэлэр көлүөнэлэрин туһугар киллэрэр булгуччулаах диэн эрэнэр. “Ким да умнуллубат, туох да умнуллубат”, — диэтэ диэн “Биир ньыгыл Арассыыйа политическай баартыйа эрэгийиэннээҕи салаатын пресс-сулууспата иһитиннэрдэ.
СИА.
Бэлэмнээтэ Женни СТРЮКОВА
Хаартыска: тустаах саайтан