«Кикбоксиҥҥа инники күөҥҥэ тахсар былааннаахпыт»

Бөлөххө киир:

— диэн кикбоксиҥҥа СӨ сүүмэрдэммит хамаандатын чилиэнэ Лиана Гуляева этэр.

Биһиги сайтпытыгар Лиана чөмпүйэнээт кэмигэр санаатын үллэһиннэ:

— Хатас оскуолатын 10 кылааһын үөрэнээччитэбин. Ол иннинэ Дьокуускайга үөрэнэр этим. 2018 сылтан кикбоксинынан дьарыктанабын. Авиапортан «Триумфка» хас күн аайы 50 кыраадыс тымныыга, 30 кыраадыс итиигэ дьарыкпар баҕаран туран кэлээччибин. Дьиҥэр боксербун, ол эрээри, тренербыт кикбоксинг элеменнарын дьарыкпытыгар эмиэ киллэрээччи. Тренерым Колесов Иван Олегович. Бастакы тренерим Оксана Васильева-Гюрза. Бу күрэхтэһиигэ хаһааҥҥытааҕар да күүстээхтик бэлэмнэннибит.  Утарсааччыларым күүстээхтэр, ол эрээри бэйэм турукпун эмиэ үчүгэйдик сыаналыыбын. Күрэхтэһии Саха сиригэр буола турара, күүспүтүгэр күүс эбэргэ дылы. Ыйааһыммын таһаара сылдьабын. Инники 48 кг ыйааһыҥҥа кыттааччыбын, билигин 52 кг тахсыбытым. Ыйааһыммын түһэрэрбэр сэниэм эстээччи, билигин хаһааҥҥытааҕар да күүспүн-уохпун мунньуна сылдьабын – диэн кырачаан кыыс кэпсээтэ.

Гулам Чекаев, Чечен Өрөспүүбүлүкэтэ: 

-Юниордарга 80 кг ыйааһыҥҥа киирсэбин. 2016 сыллаахтан ММА дьарыктанабын. Кикбоксинг көрүҥүн туһунан сыл анараа эрэ өттүгэр билэн, дьарыктанан саҕалаабытым. Биһиги ыйааһыммытыгар алтыабыт. Бэйэм күүспэр эрэллээхпин. Утарсааччыларбын кыайар түгэммэр, Арассыыйа сүүмэрдэммит хамаандатыгар киирэбин. Онон, көҕүлүүр күүс улахан буолан, туох баарбын биэрэн туран киирсиэм.

Саха сирэ наһаа тымныы эбит. Мин дойдубар муҥутаан  биэс кыраадыс тымныы буолааччы. Тэрээһиҥҥит, ыалдьытымсаххыт киһини сөхтөрөр. Ол эрээри, тымныыны сөбүлээбэт киһи Саха сирин салгынын ыараханнык ылынным. Өссө сылыйбыт эбит дии, 50 кыраадыс тымныыга хайдах олороҕутуй?!

Виктория Бястинова, edersaas.ru саайт, «Саха сирэ» хаһыат.

Ааптар хаартыскаҕа түһэриилэрэ.

+1
0
+1
0
+1
0
+1
0
+1
0
+1
0
+1
0