Уопсастыба Успуорт

Кикбоксиҥҥа Арассыыйа чөмпүйэнээтэ икки нэдиэлэнэн буолуоҕа

Дьокуускай куоракка муус устар 5-11 күннэригэр «Триумф» спортивнай кииҥҥэ кикбоксиҥҥа Арассыыйа чөмпүйэнээтэ ыытыллыахтаах. Күрэхтэһиигэ 40 эрэгийиэн бэрэстэбиитэллэрэ кэлэллэрэ күүтүллэр.

«Чөмпүйэнээт саҕаланара икки нэдиэлэ хаалла.  Арассыыйатааҕы таһымнаах күрэхтэһиини ыытарга киэҥ далааһыннаах үлэ ыытылынна.  Биһиги кикбоксердарбыт үрдүк мастарыстыбаларын көрдөрөн, аан дойду чөмпүйэнээтигэр кыттарга путевка ылыахтара диэн эрэллээхпит», —  диэн СӨ кикбоксиҥҥа федерациятын бэрэсидьиэнэ  Сергей Ларионов иһитиннэрдэ.

Саха сирин сүүмэрдэммит хамаандатыгар (тренер Андрей Алексеев) 22 кыттааччы киирбитэ. Юниордарга  (тренер Уйусхан Барашков) — 25 спортсмен.

 

ЫСПЫРААПКА:

СӨ кикбоксиҥҥа федерациятын генеральнай партнёрунан «АЛРОСА» АК буолар. Кылаабынай партнер – «ПОЛИМЕТАЛЛ» хампаанньа, официальнай партнёрдар –  «ЛОРП» ПАУо,  «Стройтранснефтегаз» АУо, «ТрансгазТомск», «Железные дороги Якутии» ААУо, партнёрдар –  «Полярные авиалинии» АУо, Маринычев П.А., эрэгийиэннээҕи  партнёрдар –  «Богуславец» ХЭУо, «Дальзолото» ХЭУо, «Удача Плюс» БВК .

 

«Өлүөнэтээҕи холбоһуктаах пароходство» пресс-сулууспатын сонуна уонна хаартыската

0
0

Добавить комментарий