«Киинэ артыыската, киинэ артыыһа» номинацияҕа финалга тахсыбыттар билиннилэр
«Саха сирин киэн туттуута» бүтүн норуот бириэмийэтин «Киинэ артыыската, киинэ артыыһа» номинацияҕа сүүмэрдиир куоластааһын түмүктэннэ. Финалга тахсыбыт биэс киһи аата билиннэ.
edersaas.ru
«Сахамедиа» холдинг Саха сирин артыыстарын ортолоругар саамай чаҕылхай уонна көрөөччү кутун туппут артыыстары быһаараары, «Саха сирин киэн туттуута» бүтүн норуот бириэмэйитигэр «Киинэ артыыската, киинэ артыыһа» номинацияҕа куоластааһыҥҥа сүүмэрдиир түһүмэҕи саҕалаабыта.
Куоластааһыҥҥа өрөспүүбүлүкэ барыта билэр уонна сөбүлүүр 12 артыыһа кыттыбыта. Холдинг тиэхиньиичэскэй сулууспата куоластары аахпытын кэннэ, финалга тахсыбыт 5 киһи аата билиннэ. Кинилэргэ барыта 15 тыһыынчаттан тахса куолас киирдэ.
Иван Константинов — 3186 куоластаах;
Ольга Дорофеева — 2543 куоластаах:
Айсен Лугинов — 1507 куоластаах;
Дмитрий Хоютанов — 1312 куоластаах;
Гаврил Менкяров — 1266 куоластаах.
Салгыы өрөспүүбүлүкэҕэ Дойдуга бэриниилээх буолуу сылын чэрчитинэн ыытыллар бүтүн норуот бириэмийэтигэр ким талылларын билэр кэм кэллэ.
Кулун тутар 23 күнүгэр golos.ysia.ru саайтка финалга тахсар иһин куоластааһын ыытыллыаҕа. Кинилэртэн биирдэстэрэ «Киинэ артыыската, киинэ артыыһа» номинация кыайыылааҕынан ааттаныаҕа. Түмүк куоластааһын кулун тутар 23-27 күннэригэр ыытыллыаҕа.
“Саха сирин киэн туттуута” бириэмийэҕэ сыһыаннаах боппуруостары e-mail: gordost-yakutii@mail.ru, 8-914-274-48-34 төлөпүөнүнэн, . Орджоникидзе уул, 31, 325 кэбиниэттэн билсиэххэ сөп.
Надежда ЕГОРОВА, «Саха сирэ», edersaas.ru