Киин куорат уулуссаларын уутун хачайдаан эрэллэр

Ааптар: 
Бөлөххө киир:

Бүгүн эбит кэнниттэн  чааһы быһа түспүт күүстээх ардах Дьокуускай куорат уулуссаларын уунан толорон кэбистэ.

Куорат хаһаайыстыбатын сулууспатын салайааччыта Владимир Аммосов иһитиннэрбитинэн, куорат баһылыга Евгений  Григорьев дьаһалынан киин куорат хомунаалынай сулууспалара  күүстээх үлэ эрэсиимигэр киирдилэр. 15 ассенизатор массыына уонна 44 носуос ыстаансыйата үлэлиэхтэрэ.

Оттон СИА-ҕа суол хаһаайыстыбатын салайааччыта Ариан Мартынов иһитиннэрбитинэн, уулусса уутун хачайдааһыҥҥа симиэнэнэн «Жилкомсервис» МУП алта ассенизатор массыыната үлэлиир. Өссө аҕыс массыына үлэлии тахсыахтаах.  Тэрилтэ үлэһиттэрэ суукканы эргиччи үлэлиэхтэрэ. Билигин Марха, «Столичнай» ырыынак,  Ярославскай уулуссаларыгар ууну хачайдыыллар.

Киин куорат олохтоохторо социальнай ситимнэри бүгүҥҥү ардах туһунан видеоларынан өрөспүүбүлүкэни толору «хааччыйдылар».

Елена ПОТОЦКАЯ, «Саха сирэ хаһыат».

Хаартыска — СИА, куорат дьаһалтатын телеграм-ситимэ уонна видео — аһаҕас социальнай ситимнэртэн.

+1
0
+1
0
+1
0
+1
0
+1
0
+1
0
+1
0