Атырдьах ыйын 25 күнүгэр тахсыбыт «Дьокуускай куорат» куораттааҕы уокурук территориятыгар 2021-2022 оттук сылын саҕалыыр туһунан дьаһалга олоҕуран, социальнай суолталаах тэрилтэлэргэ сылааһы биэрии балаҕан ыйын 1 күнүттэн саҕаламмыта.
edersaas.ru
Онон балаҕын ыйын 5 күнүгэр диэри 113 оскуолаҕа уонна детсадка сылытыы бэриллибитэ. Бүгүн 24 эбийиэк холбонно диэн мэри куорат хаһаайыстыбатыгар солбуйааччы Егор Кардашевскай иһитиннэрдэ.
Саҥа оттук дьылыгар бэлэмнэнэн, сайын бары эбийиэктэргэ сылытыы ситимин ыраастааһын ыытыллыбыта, элеватордар бэрэбиэркэлэммиттэрэ, ханна наада буоларынан хапытаалынай уонна быстах өрөмүөн оҥоһуллубута. Куорат үрдүнэн сылааһынан хааччыйар 17 тэрилтэ баар, 76 хочуолунай барыта холбоон 571,146 км усталаах сылытар ситимнээхтэр. Бу туһунан куорат дьаһалтатын уопсастыбаннаһы уонна иһитиннэрэр-биллэрэр сириэстибэлэрин кытары үлэлиир департамена иһитиннэрэр.
Раиса Сибирякова, «Саха сирэ» хаһыат, edersaas.ru