Бу күннэргэ Арассыыйа Киин баана сүрүн ставка бырыһыанын 1,5 түһэрэн, сыллааҕы 9,5 %-ҥа тэҥнэстэ. Ол аата олунньу ыйдааҕы таһымҥа төттөрү тиийдэ.
Санатар буоллахха, Киин баан олунньуга баар балаһыанньаттан сылтаан сыллааҕы сүрүн ставканы 20 %-ҥа диэри үрдэтэргэ күһэллибитэ. Салгыы муус устарга сүрүн ставка 14 % кыччатыллыбыта. Оттон бу күннэргэ Арассыыйа Киин баанын дириэктэрдэрин Сэбиэтин быһаарыытынан, сүрүн ставка 9,50 %-ҥа диэри түһэрилиннэ. Бу иннинэ үп эспиэрдэрэ тустаах ставка бырыһыана сотору түһүө диэн сабаҕалаабыттара олоххо киирдэ. Итинэн сылыктыыр буоллахха, солкуобай бөҕөргүүр туруктаах.
+1
+1
+1
+1
+1
+1
+1