Киевкэ Украина аатырбыт тустууктарын уонна тренердэрин бирииһигэр норуоттар икки ардыларынааҕы турнир саҕаланна. Бу 21-с төгүлүн ыытыллар түһүлгэ бастакы күнүгэр саха тустуутун кыһатын түөрт иитиллээччитэ кытынна.
Петр Павлов, https://edersaas.ru/
Быйылгыттан Белоруссия хамаандатыттан кыттар Орто Халыма ыччата Андрей Бекренев уонна тустууга дьарыгын сөргүтэн эрэр норуоттар икки ардыларынааҕы кылаастаах спорт маастара Михаил Иванов 57 киилэҕэ үһүс бириистээх миэстэни бэйэ-бэйэлэрин кытта былдьаһар буоллулар.
Оттон Нерюнгриттан төрүттээх Евгений Коломиец (97 кг) икки утарсааччытын кыайан баран американецка хотторон, туораан хаалла. Өссө Азербайджантан Тимур Мамедов (65кг) иккитэ тустан, хоттортоон кэбистэ.
Аны киэһэ (Дьокуускай бириэмэтинэн түүн) турниры үөрүүлээхтик аһыы уонна бастакы, үһүс миэстэлэри ким ыларын быһаарсар финальнай хапсыһыылар ыытыллыахтара. Турнир бочуоттаах ыалдьытынан олимпийскай чөмпүйүөн, Украина үтүөлээх тренерэ Павел Пинигин сылдьар.
Петр Павлов, https://edersaas.ru/
Дьокуускай — Киев.