«KidSkills» — оҕолорго аналлаах чөмпүйэнээт саҕаланна!

Ааптар: 
Бөлөххө киир:

«KidSkills» оҕолорго аналлаах бастакы чөмпүйэнээт саҕаланна.

Бу оскуолаҕа киириэн иннинээҕи уонна алын сүһүөх кылаас оҕолоругар аналлаах күөн күрэс. Манна 11 улуустан барыта 300-тэн тахса кыттааччы 8 компетенциянан күрэхтэһэр. Бэлиэтээбиттэринэн манна кондитерскай дьыала, медицинскэй уонна социальнай көрүү-истии, графическай дизайн, мобильнай робототехника, асчыт, коммуникабельнай буолуу, парикмахерскай ускуустуба, мода технологията киллэриллибиттэр.
«Ханнык баҕарар кэм-кэрдии туспа ирдэбиллээх. Холобур, биһиги көлүөнэбит оҕолоро космонавт, байыаннай  буолуохтарын баҕараллара. Оттон билиҥҥи кэм оҕолоро программист, компьютернай оонньуулары оҥорооччу буолуохтарын баҕараллар. Биһиги бу күрэһинэн, оҕолорго саастарын тухары олохторугар наада буолар үөрүйэххэ үөрэтиэхпитин, сатабылы  иҥэриэхпитин баҕарабыт. Өрөспүүбүлүкэбит экэниэмикэтигэр бастыҥ исписэлиистэри бэлэмнээн таһаарыахпыт диэн эрэнэбин. Бу күөн күрэскэ кыттар оҕо саадын иитиллээччилэрэ, оскуола алын сүһүөх кылааһын үөрэнээччилэрэ, хаһан эрэ федеральнай таһымнаах World Skills күрэһигэр призердарынан, кыайыылааҕынан буолалларыгар эрэнэбин. Өссө саамай  сүрүнэ, үлэ ырыынагар наадалаах, ирдэнэр исписэлиистэр буола үүнэн-сайдан тахсыахтара», — диэтэ СӨ Үөрэх уонна наука миниистирэ Михаил Сивцев.
Куруһуок хамсааһыныгар НТИ эрэгийиэннээҕи координатора  Виктория Копылова куонкуруһу тэрийээччилэргэ оҕону сайыннарыыга кыһамньыларын иһин махтанна. «НТИ устуоруйата — бу каадырдар уонна утумнааһын устуоруйата. Оҕолор өрөспүүбүлүкэбит кэлэр кэскиллэрэ. Бүгүҥҥү кыһамньыгыт хайаатар да туһаны аҕалыа. Маныаха World Skills эспиэрдэрэ, СПО маастардара, өрөспүүбүлүкэлэрин чиэһин көмүскүүр призердар уонна устудьуоннар болҕомтолорун уураллара үөрдэр», — диэтэ Виктория Копылова.
Өлүөхүмэ оройуона көҕүлээбит чөмпүйэнээтэ «Сайдыы» кэлэктиибинэн үлэ, СӨ WSR эрэгийиэннээҕи координационнай киин, СӨ куруһуок хамсааһынын НТИ, «Точка Кипения – Якутск» уонна «Корпорация развития РС (Я)» АУо өйөбүллэрин ылбыт.
+1
0
+1
0
+1
0
+1
0
+1
0
+1
0
+1
0