Дьокуускай куорат борокуратуурата 57 саастаах киһи сайабылыанньатынан бэрэбиэркэ ыыппыт. Ол түмүгэр, РФ Административнай кодексатын 5.61-с ыст. 1 чааһынан дьыала тэрийбит. Дьыала мировой суукка көрүллүбүт.
Суут быһаарбытынан, 2018 сыл алтынньы ыйыгар Дьокуускай куорат биир атыы-эргиэнин киинигэр эдэр дьахтар киниттэн төһө эмит аҕа саастаах киһини ыыс-бурут, киһи дьоһунун, эр киһилии чиэһин түһэрэр тылларынан дэлби үөхпүт.
Онтун өссө төлөпүөнүн видеотугар устан, батсаап ситиминэн тарҕаппыт.
Суут бу ханна да үлэлээбэт 28 саастаах дьахтары киһини үөҕүүгэ буруйдааҕынан билинэн, 2 тыһ. солк. суумалаах ыстараап төлүүргэ уурбут.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.