Социальнай-экономическай сайдыыга 2024 сылга диэри IT-ырыынак сайдыытынан бастакы уон иһигэр киириэхтээхпит. Сотору кэминэн Саха сирэ аан дойдуга алмаас чаҕылынан эрэ буолбакка, Киһи хапытаалынан биллиэхтээх. Тоһуттар томороон тымныылаах унньуктаах уһун кыһыны быһа эдэр ыччат сылаас дьиэҕэ көмпүүтэр иннигэр олорон дьон олоҕун чэпчэтэр, илии үлэтин аҕыйатар саҥа бырайыактары айан таһаарыахтара.
edersaas.ru
Василий Десяткин, СӨ экэниэмикэтин миниистирин солбуйааччы:
— Сир баайыттан тутулуга суох экэниэмикэҕэ Дьокуускайдааҕы транспортнай-логистическай ситими сайыннарыы, тутуу, тыа хаһаайыстыбатын бородууксуйатын астааһын, төлөбүрдээх IT өҥөлөр, туризм киирэллэр. Итиэннэ «Кангалаас» урутаан сайдар сиргэ ювелирнай кластер хайысхатынан алмааһы кырыылааччылар үлэлииллэригэр, күндү таастартан, сэлии муоһуттан араас киэргэл оҥороллоругар усулуобуйа тэрийиэхпит.
Марианна Тыртыкова, «Саха сирэ», edersaas.ru