«Кэскил» оҕо издательствотын салайааччыта Анжелика Андреева уонна «Анаабыр алмаастара» акционернай тэрилтэ генеральнай дириэктэрэ Павел Мариничевы кытта бииргэ үлэлээһиҥҥэ илии баттаатылар. Ол курдук, предприниматель Алексей Илларионов тэрийбит «IT оскуолатын» уһуйуллааччылара — улахан кылаас оҕолоро төлөпүөҥҥэ сыһыарыы (мобильное приложение) оҥороллор. Кэскиллэр кинилэргэ оҕо мульфильмнэриттэн уонна остуоруйаларыттан саҕалаан, биир кэлим эксээмэҥҥэ бэлэмнэниигэ, ханнык идэни талыахха сөбүгэр тиийэ, араас хоһоонноох сыһыарыылары сакаастыаҕа. Бу бырайыак үбүлээһинин «Анаабыр Алмаастара» акционернай тэрилтэ уйунуоҕа.
«Ити курдук биһиги издательствобыт «Сургутнефтегаз», «Дьокуускай аэропорда», Россия почтата», «Сахаэнерго» уонна да атын уонча өрөспүүбүлүкэ бөдөҥ тэрилтэлэрин кытта бииргэ үлэлээһиҥҥэ илии баттаста», — диэн кэпсиир «Кэскил» оҕо издательствотын салайааччыта Анжелика Андреева.
Елена ПОТОЦКАЯ