Үчүгэйи, кэрэни көрдөҕүнэ, иһиттэҕинэ, киһи хайдахтаах үөрэрий?! Сүргэҥ улаханнык көтөҕүллэр, эрчимирэҕин, дьоллоноҕун. Оннук буолбат дуо?
Бэл, ол үөрүүгүттэн туппутуҥ тэҥҥэ тупсан, ылсыбытыҥ тэҥҥэ ыпсан иһэргэ дылы буолар. Көрүҥ эрэ, доҕоттоор, бу хаартыскалары. Наһаа кырасыабай сибэккилэр. Сэргээҥ, үөрүҥ-көтүҥ!
Бу эһиэхэ хаһыаппыт дьоруойа, Ньурба улууһун Маар сэлиэнньэтигэр оскуолаҕа физкултуура учууталынан үлэлиир Афанасий Васильевич Семенов быйыл сайын олордубут нарын-намчы, наһаа кэрэ, олус кырасыабай сибэккилэрин хаартыскаларын таһаарабыт.
Бу олус элбэх үлэттэн, сыраттан тахсарын сыаналыаҕыҥ. Афанасий Васильевичка дьону үөрдэ сылдьарыгар, сибэкки олордооччуларга сүбэлээн-амалаан көмөлөһөрүгэр махтанабыт, ситиһиилэри баҕарабыт.
Маннык кэрэҕэ ким баҕалаах тиийэн хаартыскаҕа түһэр, Афанасий Васильевичтыын астына-дуоһуйа сэһэргэһэр, сүбэ-ама ылааччы да элбэх. Бу Афанасий Васильевичтан көрдөһөн хаартыска ыыттардыбыт.