Бу туһунан ХИФУ «Точка кипения» кэллэктиибинэй үлэ саалатыгар алҕаһа суох суруйуу уонна кэпсэтии бэстибээлигэр кэпсээтилэр. Бэстибээл чэрчитинэн, «Тотальнай дьыктаан» тыл сэбиэтин чилиэнэ, Соҕурууҥҥу федеральнай университет Тыл, журналистика уонна межкультурнай коммуникация институтун преподавателэ Кира Дружинина кэпсээтэ.
edersaas.ru
Эксперт Кира Дружинина «тыл диэн дьайыы, кини хайдах көдьүүстээҕиттэн биһиги кэпсэтиибит тутулуктаах» диэн этэр.
— Кэпсэтии үс сүрүн ханааллаах – «вербальнай», «невербальнай», «вокальнай.. Ханааллар хайдах кэпсиирбитин туоһулууллар, оттон тугу этиэхпитин баҕарарбыт бу кэпсэтии ис хоһоонугар олоҕурар. Онон, кэпсэтиэх эбэтэр элбэх киһи иннигэр саҥарыах иннинэ биһиги бэйэбититтэн ыйытыахтаахпыт «тугу кэпсиибиний уонна хайдах саҥарабыный?» диэн. Аны аҥардас биһиги кэпсиирбит эрэ суолталаах буолбатах. Кэпсиир дьоҥҥун кытары эмиэ сибээс олохтуохтааххын, — диэн араас туһалаах иһитиннэриилэри ХИФУ устудьуоннара уонна баҕалаах дьон иһиттилэр.
Виктория Бястинова, edersaas.ru, «Саха сирэ» хаһыат.
Хаартыска s-vfu.ru