Бүгүн Үөһээ Бүлүү улууһун Кэнтигэр элбэх хайысхалаах культура киинэ үлэҕэ киирдэ. Киин үлэҕэ киириитэ «Мин Сахам сирэ XXI үйэҕэ» үтүө хамсааһын оруобуна 1000 объегынан буолар. Ол аата үтүө хамсааһын чэрчитинэн, өрөспүүбүлүкэ үрдүнэн барыта 1000 социальнай объект тутулунна. Киини тутуу 2014 сылтан саҕаланан быйыл ахсынньыга түмүктэннэ. Объект тутуллубут суумата 22 мөл. солк. Элбэх хайысхалаах буоларынан сибээстээн, манна библиотека, кулууп, загса, бильярдыыр саала бааллар. Бу тутуу бырайыагын быһыытынан бастакы уочарата үлэҕэ киирдэ. Иккис уочаратынан 2018 сылга диэри киин аттыгар киэҥ-куоҥ спортивнай саала тутуллуоҕа.
Тэрээһиҥҥэ СӨ культуратын миниистирэ Владимир Тихонов, Ил Түмэн депутаттара Марфа Филиппова, Иван Шамаев, Үөһээ Бүлүү улууһун баһылыга Владимир Поскачин, Амма улууһун баһылыга Николай Архипов, Бүлүү улууһун баһылыга Сергей Винокуров, «Мин Сахам сирэ XXI үйэҕэ» хамсааһын салайааччыта Иван Емельянов кытыннылар.