Коронавирус дьаҥын бохсууга үлэлэһэр СӨ суһал ыстааба иһитиннэрбитинэн, кэнники хонукка Саха сиригэр коронавирустан 27 киһи үтүөрбүт.
Роспотребнадзор Саха сиринээҕи управлениетын дааннайынан, алта киһи балыыһаҕа киирбит, ити кэнники хонукка ыалдьыбыт 37 киһиттэн 16,2%. Ыалдьыбыт дьонтон 48,6% Дьокуускайга, 51,4% — улуустарга буолара ыйыллар.
От ыйын 14 күнүнээҕи туругунан балыыһаҕа 22,3%, тастан 77,7% киһи эмтэнэрэ этиллэр.
Өрөспүүбүлүкэ лабораторияларыгар кэнники хонукка 1 781 анаалыс, пандемия саҕаланыаҕыттан 2 385 493 тест бэрэбиэркэлэммит.
Коронавируһу утары быһыы бастакы компоненын 637 312 киһи ылбыт, бу нэһилиэнньэ улахан дьонун 88,9%. 167 696 киһи ревакцинацияламмыт.
Хаартыскаҕа Андрей Сорокин (СИА) түһэриитэ.
+1
+1
+1
+1
+1
+1
+1