Доруобуйа

Кэнники хонукка 99 киһи коронавирустаата

Өрөспүүбүлүкэтээҕи суһал ыстаап бүгүн, от ыйын 17 күнүгэр иһитиннэрбитинэн, кэнники хонукка 99 киһи коронавирустаабыта быһаарыллыбыт.
Дьокуускайга куоракка – 55 киһи ыалдьыбыт. Ленскэйгэ – 7, Мииринэйгэ – 6, Алдан, Нерюнгри оройуоннарыгар түөртүү киһи бу дьаҥҥа хаптарбыта биллибит. Өймөкөөҥҥө — 3, Аммаҕа, Бүлүүгэ, Горнайга, Өлөөҥҥө, Тааттаҕа, Уус Алдаҥҥа, Хаҥаласка — иккилии, Булуҥҥа, Үөһээ Бүлүүгэ, Мэҥэ Хаҥаласка, Аллараа Халымаҕа, Сунтаарга, Чурапчыга биирдии киһи ыалдьыбыт.
Өрөспүүбүлүкэ лабораторияларыгар биир хонук иһигэр 2 612 анаалыс оҥоһуллубут. Оттон пандемия саҕаланыаҕыттан 1 227 859 тест бэрэбиэркэлэммит.
0
0