Кэнники хонукка 72 киһи ыалдьыбыт, 79 киһи үтүөрбүт

Бүгүн, бэс ыйын 25 күнүгэр, Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан иһитиннэрдэ.

edersaas.ru

Ааспыт күҥҥэ  72 киһи саҥа ыалдьыбыта биллибит. Ыалдьыбыттартан 60 киһи Дьокуускай куорат олохтооҕо, 4 киһи Нерюнгри оройуонугар, 3 киһи Мэҥэ Хаҥалас улууһугар, 2 киһи Таатта улууһугар, биирдии киһи Аммаҕа, Үөһэ Дьааҥыга уонна Ленскэйгэ сутуллубуттара биллибит.

Өрөспүүбүлүкэ үрдүнэн коронавирус дьаҥа туруоҕуттан 3963 киһи ыалдьыбыт. Итилэртэн 3117 киһи киин куорат олохтооҕо. Ааспыт хонукка үтүөрбүт дьон ахсаана 79 киһи — 66 Дьокуускайга, 7 киһи Мэҥэ Хаҥаласка, 4 — Мииринэй оройуонугар, биирдии киһи Нам уонна Ньурба улуустарыгар. Дьаҥ туруоҕуттан үтүөрбүт дьон ахсаана — 2805 киһи. 30 киһи ыарахан туруктаах сытар. Бэҕэһээ өрөспүүбүлүкэ үрдүнэн 3568 тест оҥоһуллубут.