Бүгүн, сэтинньи 29 күнүнээҕи иһитиннэриинэн, Саха сиригэр кэнники хонукка 254 киһи коронавирустаабыт.
Бу туһунан СӨ Бырабыыталыстыбатын бэрэссэдээтэлин солбуйааччы, коронавируһу утары охсуһар суһал ыстаап салайааччытын солбуйааччы Ольга Балабкина Роспотребнадзор Саха сиринээҕи управлениетыгар сигэнэн иһитиннэрэр.
Ол курдук, кэнники биир хонук иһигэр Дьокуускай куоракка 115 киһи коронавирустаабыт. Мииринэйгэ, Нерюнгригэ — уон тоҕустуу киһи ыалдьыбыта бэлиэтэнэр. Алдаҥҥа, Мэҥэ Хаҥаласка уон түөртүү, Аммаҕа, Ленскэйгэ — уон иккилии, Хаҥаласка – 11, Ньурбаҕа, Сунтаарга – биэстии, Кэбээйигэ – түөрт, Эдьигээҥҥэ, Намҥа, Өлүөхүмэҕэ, Уус Алдаҥҥа — үстүү, Бүлүүгэ, Өлөөҥҥө, Томпоҕо, Усуйаанаҕа — иккилии, Дьааҥыга, Өймөкөөҥҥө, Орто Халымаҕа, Уус Маайаҕа биирдии киһи ыалдьыбыта бэлиэтэнэр.
Өрөспүүбүлүкэ лабораторияларыгар биир хонук иһигэр 2 637 анаалыс, пандемия саҕаланыаҕыттан 1 715 550 тест бэрэбиэркэлэммит.
+1
+1
+1
+1
+1
+1
+1