Доруобуйа

Кэнники хонукка 223 киһи коронавирустан үтүөрдэ

Коронавируһу бохсууга үлэлэһэр суһал ыстаап иһитиннэрбитинэн, кэнники хонукка Саха сиригэр коронавирустан 223 киһи үтүөрбүт.

Оттон 29 киһи балыыһаҕа киирбит. Бу кэнники хонукка ыалдьыбыт 329 киһиттэн буолара ыйыллар. Бу дьонтон 26,4% Дьокуускай куоракка олороро, 73,6% улуустарга буолара бэлиэтэнэр. Бүгүҥҥү күн туругунан стационарга 16,1%, тастан 83,9% киһи эмтэнэр.
Кэнники хонукка өрөспүүбүлүкэ лабораторияларыгар 3 539 анаалыс, пандемия саҕаланыаҕыттан 2 217 569 тест бэрэбиэркэлэммит.
Бүгүҥҥү күҥҥэ коронавируһу утары быһыы бастакы компоненын 610 519 киһи ылбыт. 153 517 киһи ревакцинацияламмыт.
Коронавируһу бохсууга үлэлэһэр суһал ыстаап иһитиннэрбитинэн, «122» нүөмэргэ төлөпүөнүнэн 1 013 эрийбиттэр. Дьиэҕэ мэдиссиинэ көмөтүн 414 биригээдэ оҥорбут. Волонтердар кэнники хонукка аһы-үөлү уонна эми-тому тиэрдиигэ киирбит сэттэ сайаапканы толорбуттар.
0
0
Telegram @edersaas20