Доруобуйа

Кэнники хонукка 191 киһи коронавирустаата

Бүгүн, балаҕан ыйын 27 күнүнээҕи иһитиннэриинэн, 191 киһи коронавирус дьаҥар хаптарбыт.

Дьокуускайга 116 киһи ыалдьыбыта быһаарыллыбыт. Мииринэйгэ — 9, Чурапчыга — 8, Тааттаҕа – 6, Алдан, Үөһээ Халыма, Нерюнгри, Уус Алдан оройуоннарыгар — түөртүү, Үөһээ Бүлүүгэ, Бүлүүгэ, Намҥа, Орто Халымаҕа үстүү, Аллайыаха, Амма, Дьааҥы, Өлөөн, Сунтаар, Томпо, Хаҥалас оройуоннарыгар иккилии, Булуҥҥа, Кэбээйигэ, Ленскэйгэ, Мэҥэ Хаҥаласка, Аллараа Халымаҕа, Ньурбаҕа, Өймөкөөҥҥө, Өлүөхүмэҕэ, Уус Маайаҕа, Эбээн Бытантайга биирдии киһи ыалдьыбыта бэлиэтэнэр.

Өрөспүүбүлүкэ лабораторияларыгар биир хонук устатыгар 2 888 анаалыс оҥоһуллубут. Пандемия саҕаланыаҕыттан 1 458 171 тест бэрэбиэркэлэммит.

0
0