Доруобуйа

Кэнники хонукка 105 киһи коронавирустаабыт

Муомаҕа коронавируһу утары быһыыны биэриини 102% толорбуттар. Бу туһунан СӨ Бырабыыталыстыбатын вице-премьерэ Ольга Балабкина иһитиннэрдэ. 
Ол да буоллар эпидемиологическаай быһыы-майгы уустугун эттэ. Кэнники хонукка 105 киһи коронавирустаабыт. Итинтэн 55 киһи Дьокуускай куоракка олорор. Мириинэй оройуонугар тоҕус киһи, Бүлүүгэ — алта, Алдаҥҥа, Нерюнгригэ — биэстии, Ленскэйгэ, Мэҥэ Хаҥаласка — түөртүү, Аммаҕа, Намҥа, Уус Алдаҥҥа — үстүү, Ньурбаҕа — икки, Абыйга, Горнайга, Өлөөҥҥө, Тааттаҕа, Уус Маайаҕа, Хаҥаласка биирдии киһи ыалдьыбыта бэлиэтэнэр.
«Улуустарга санитарнай-эпидемиологическай ирдэбили күүскэ тутуһар наада. Билигин улахан дьиэ кэргэнинэн бырааһынньыктары тэрийии содулуттан ыалдьыылар бэлиэтэнэллэр. Бу үгэһи тутуһуу буоларын өйдүүбүт. Оттон ыараханнык ыалдьыбыт дьон ахсаана намтаабатын өйдүөх тустаахпыт», — диэтэ кини.
0
0