«Кэнчээри» ситиһиитэ, Өлөөн үөрүүтэ

Ааптар: 
Бөлөххө киир:

Өрөспүүбүлүкэҕэ оскуола иннинээҕи үөрэхтээһин 100 сылынан, Өлөөн оройуонун 85 сылынан улуустааҕы «Кэнчээри» оҕо уһуйаана тапталлаах оройуонугар быйыл эмиэ бэртээхэй бэлэхтэри оҥордо. 

Алла Петрова сэбиэдиссэйдээх «Кэнчээри» оҕо уһуйаана 2019-2020 үөрэх сылыгар Арассыыйаҕа ыытыллар икки улахан куонкуруска ситиһиилээхтик кытынна.

Ол курдук, сэтинньи саҥатыттан кулун кутар ортотугар диэри ыытыллыбыт  Бүтүн Арассыыйатааҕы күөн күрэскэ кыттан, 1000 бастыҥ үлэлээхтэр ахсааннарыгар киллэрилиннэ, «Образцовый детский сад 2019-2020»  буолары ситистэ. Итини сэргэ, «Арассыыйаҕа бастыҥ үлэлээх оҕо саадтара-2020» Бүтүн Арассыыйатааҕы көрүү-куонкуруска кэлэктиип куйаар ситиминэн күрэстэһэн, бастыҥ үлэлээх 500 оҕо саадыгар талылынна. Маны таһынан, 2019-2020 үөрэх сылыгар  улуустарыгар ыытыллыбыт күөн күрэскэ сыл бастыҥ бөлөҕүнэн ааттананнар, улуус баһылыгын 100 тыһыынчалаах Гранынан наҕараадаламмыттара.

«Кэнчээрилэр» бу ситиһиилэринэн бар дьоннорун, төрөппүттэри улаханнык үөрдэллэр уонна биир идэлээхтэригэр үтүө холобур буолаллар.

+1
0
+1
0
+1
0
+1
0
+1
0
+1
0
+1
0