Сунтаар улууһугар историяҕа киирэр улахан суолталаах саҥа хардыы оҥоһулунна.
edersaas.ru
Бизон биһиги дойдубутугар былыр төрөөн, үөскээн, тэнийэ сылдьыбыт диэн, Сунтаар улууһугар кулун тутар 13 күнүгэр Кэмпэндээйиттэн 50 км тэйиччи сиргэ аҕалан ыыттылар.
Бу экологическай бырайыак улууска экотуризм сайдарыгар кэскиллээх хардыы буолар. Историяҕа киирэр үөрүүлээх тэрээһиҥҥэ Сунтаар улууһун Аҕа баһылыга Анатолий Григорьев, Кэмпэндээйи нэһилиэгин баһылыга Александр Игнатьев, улуустааҕы экология салаатын салайааччыта Сергей Николаев, ДБР биологическай ресурсаларын салаатын исписэлииһэ Андрей Попов уонна олохтоох нэһилиэнньэ кыттыыны ыллылар.
Улууспут дьоно-сэргэтэ уонна туус собуотун дириэктэрэ, «Сооруос» сылгы базатын иилээн-саҕалаан төрүттээбит Алексей Игнатьев, өр сылларга ыра санаа оҥостубут баҕата туолар чинчилээҕиттэн Ил Дархан Айсен Николаевка, СӨ Бырабыыталыстыбатыгар уонна айылҕа харыстабылын миниистиригэр Сахамин Афанасьевка махтала муҥура суох.
«Сунтаар улууhа (оройуона)» муниципальнай оройуон дьаһалтатын пресс – сулууспата.