Кэмпэндээйи уһуйааныгар туус хоһо аһылынна

Бөлөххө киир:

Ааспыт сылга Сунтаар улууһун икки уһуйааныгар  уонна «Сир уустара» кииҥҥэ   туус хосторо аһыллыбыттара. Бу хостор Кэмпэндээйи тууһуттан оҥоһуллан, оҕолор доруобуйаларын бөҕөргөтөргө туһалыыллар. Бу күннэргэ Кэмпэндээйи уһуйааныгар туус хоһо аһыллыбытын туһунан Сунтаартан Мария Кобельянова иһитиннэрдэ.

Муус  устар 18 күнүгэр Кэмпэндээйи «Хаарчаана» уһуйааныгар «Туусчаан» диэн туус хоһо арылынна. Бу хос  хаар маҥан аар тайҕаны санатар. Маннык кэрэ хоһу Туус собуотун хоһуун уолаттара, бу уһуйааҥҥа сылдьыбыт биир дойдулаахтара бэлэх ууннулар. Салайааччы Алексей Игнатьев бу хамсааһыны өрө тутан уһуйаан үбүлүөйүгэр бэлэх уунуохпут диэн тылыгар туран улахан бэлэх буолла. Манан диэн эттэххэ, Туус собуота маннык туус хостору Саха сирин үрдүнэн Үөһээ Бүлүүгэ, Бүлүүгэ, Анаабырга, Өлөөҥҥө, Сунтаарга уопсайа уончаны оҥорон таһаардылар. Салгыы сайдыы кэскилигэр «Дыхания Якутии» НКО тэринэн промышленнай хампаанньаларга этии киллэрэн үбүлээһин көрдөрөн бары улуустарга киллэрбит киһи диэн ыра санаалаахтар, ону кытта уонунан сылга биир кэлим сайдарыгар доруобуйа харыстабылын салалтатыгар бу санааны тиэрдии үлэтэ барар. Салгыы ХИФУ-ну кытта үлэлэһэн чинчийии ыытар санаалаахтар, — диэн кэпсээтэ.

edersaas.ru

+1
0
+1
0
+1
0
+1
0
+1
0
+1
0
+1
0