Эдэр ыччат үтүө дьыалаҕа кыттыһара сүргэни улаханнык көтөҕөр.
Мииринэйгэ «80 үтүө дьыала» аахсыйа тэриллэн тиһиктээхтик салҕанар. Манна Айхаллааҕы тэхиньиичэскэй кэллиэс устудьуоннара — волонтердар: Артем Исаченко, Сергей Веселовскай, Антон Козлов, Дмитрий Усиченко, Сергей Колосов хаһыс да төгүлүн кыттыстылар.
Соторутааҕыта кинилэр бэйдиэ сылдьар кыылы-сүөлү тутар сиргэ кэлэн сирин-уотун ыраастаатылар, өрө тартылар, кыралаан сыбааркалаатылар. Уолаттар ордубут бириэмэлэригэр кыылга-сүөлгэ болҕомтолорун уурдулар.
Манна даҕатан эттэххэ, соторутааҕыта манна Пират диэн ыты эпэрээссийэлээбиттэрэ. Волонтер Сергей Колосов ону истэн, Пираты чөлүгэр түһүөр диэри бэйэтигэр ылан көрөргө быһаарынна.
«Миг-20» пресс-киин, Мииринэй.
+1
+1
+1
+1
+1
+1
+1