Арасcыыйа Федерациятыгар кэлэр 2021 сылтан сүөһүнү-cылгыны, ыты, куосканы, дьиэ атын да кыылын чииптээһин булгуччулаах буолуоҕа.
edersaas.ru
Бу сыл бүтүүтүгэр, Госдуумаҕа сүөһүнү-cылгыны, ыты, куосканы, дьиэ атын да кыылын чииптээһин туһунан сокуон ылыллыаҕа диэн «Известия» хаһыат иһитиннэрэр. Билигин сокуон барыла биэдэмистибэлэр икки ардыларыгар сөбүлэһиигэ сылдьар эбит.
Саха Өрөспүүбүлүкэтигэр сүөһүнү чииптээһин бырабыыталыстыба олохтообут былаан-кыраапыгын быһыытынан, бэс ыйыттан ыытылла сылдьар. Онуоха анаан бүддьүөттэн үп көрүллэн, 172094 устуука кэмпилиэк ынах сүөһү кулгааҕар кэтэрдиллэр бииркэ уонна электроннай миэткэ, 49903 кэмпилиэк ыт кулгааҕар кэтэрдиллэр бииркэ уонна микрочиип, микрочииптэри ааҕар 379 аппликатор уонна сканер ылыллыбыта. Бииркэни кэтэрдиини уонна чииптээһини бэтэринээрдэр бас билии көрүҥүттэн тутулуга суох бары хаһаайыстыбаларга босхо оҥороллор.
Раиса Сибирякова, «Саха сирэ» edersaas.ru