Өрөспүүбүлүкэҕэ оскуолаҕа киириэн иннинээҕи саастаах оҕолор уһуйааннарын тутарга 1,4 млрд солкуобайтан ордук үп көрүллүбүт.
Онон 2021 сылга, «Демография» национальнай бырайыак иитинэн, сэттэ улууска аҕыс оҕо саада баар буолуоҕа диэн СӨ Үөрэх уонна наука министиэристибэтин пресс-сулууспата иһитиннэрэр. Ол курдук, Амма, Алдан, Нам, Өлүөхүмэ, Таатта, Уус Алдан улуустара уонна Дьокуускай куорат итиннэ ааттаналлар. Үбүлээһин федеральнай, эрэгийиэннээҕи уонна муниципальнай бүддьүөттэн көрүллэр.
Өрөспүүбүлүкэҕэ оҕо саадтарыгар миэстэ тиийэригэр саҥа уһуйааннары тутарга, 2019-2021 сылларга федеральнай бүддьүөттэн 2,2 млрд солкуобай көрүллүбүтэ.
Оҕо саадыгар сайабылыанньа биэрэргэ, СӨ үөрэх өҥөлөрүн оҥорор порталынан «Регистрация заявления в детский сад» разделга киирэҕит.
+1
+1
+1
+1
+1
+1
+1