Кэлэр сыл Арассыыйаҕа Наука уонна технология сылынан буолуоҕа

Бөлөххө киир:

Кэлэр сыл Арассыыйаҕа Наука уонна технология сылынан буолуоҕа диэн бэҕэһээ, ахсынньы 24 күнүгэр, судаарыстыба баһылыга Владимир Путин санаатын эттэ диэн ТАСС иһитиннэрэр.

«Цивилизацияҕа эпидемия буолбута куттал суоһаабатын, киһи олоҕун хаачыстыбатын быһаарар эйгэ суолталааҕын көрдөрдө», — диэтэ Владимир Путин. Кини бу эйгэни доруобуйа харыстабылыгар, үөрэхтээһиҥҥэ, экологияҕа уонна наукаҕа, технологияҕа сыһыаннааҕын эттэ. Итиэннэ үөрэтиллэ илик хайысханан дьон үлэлиир, саҥа билиини ылар, эдэр көлүөнэҕэ тиэрдэрин бэрэсидьиэн бэлиэтээтэ.

«Бу маннык кылааты дойду сайдыытыгар киллэрии уопсастыбаннай уонна судаарыстыбаннай билиниини ылара тоҕоостоох», — диэн Владимир Путин эттэ.

Оттон кэлэр 2021 сыл өрөспүүбүлүкэбитигэр Доруобуйа сылынан биллэриллибитин туһунан Ил Дархан Айсен Николаев Анал этиитигэр бэҕэһээ иһитиннэрбитэ.

edersaas.ru

+1
0
+1
0
+1
0
+1
0
+1
0
+1
0
+1
0