Хааччахтанан олоруу сымнаан күрэхтэһиилэр ыытыллан эрэллэр. Кэлэр нэдиэлэҕэ тимир иҥиирдээх мадьынылар Арассыыйа чөмпүйэнээтигэр барар иһин киирсиэхтэрэ.
Ол курдук, кулун тутар 5-6 күннэригэр «Модун» успуорт комплексыгар Гаврил Десяткин кэриэһигэр мас тардыһыыга Саха сирин чөмпүйэнээтэ буолуоҕа.
Күрэхтэһиигэ эр дьон 60, 65, 70, 75, 80, 90, 105, 125 уонна 125-тэн үөһэ киилэ ыйааһыннарга уонна дьахталлар 50, 55, 60, 65, 75, 85 уонна 85-тэн үөһэ киилэ ыйааһыннарга киирсиэхтэрэ. Ону тэҥэ, 40-рын ааспыт бэтэрээннэр 65, 75, 85 уонна 85-тэн үөһэ киилэ ыйааһыннарга илин-кэлин былдьаһыахтара.
Биллэр төрүөтүнэн күрэхтэһии көрөөччүтэ суох буолар, барыта быһа эпииргэ тахсыаҕа.
+1
+1
+1
+1
+1
+1
+1