Сайыҥҥы өҥүрүк куйаастар саҕаланнылар. Хайдах күн-дьыл туруоҕай?
Бу күннэргэ Дьокуускай куоракка уонна чугастааҕы улуустарга куйаас күн турар. Дьокуускайга кэлэр нэдиэлэҕэ 30-тан тахса кыраадыс буолара көстөр.
УГМС саайтыгар сигэннэххэ, бэс ыйыгар Саха сиригэр халлаан туруга нуорматтан 1-2 кыраадыһынан итии буолуоҕа. Киин, илин, хотугулуу-илиҥҥи улуустарга итиэннэ арҕаа улуустарга сорох сиринэн нуормаҕа тэҥнэһэр. Сөҥүү түһүүтэ нуорматтан арыый кыра, арҕаа, соҕуруу уонна киин улуустарга миэстэтинэн нуормаҕа тэҥ.
От ыйыгар Саха сиригэр саамай куйаас күннэр туруохтара. Киин, соҕуруулуу-илин улуустарга 37-39 кыраадыска тиийэ сылыйыа.
Ордук элбэх сөҥүү (80-106 мм) Алдан, Нерюнгри улуустарыгар, кыра сөҥүү (26-33 мм) хотугу улуустарга түһүөҕэ. Өрөспүүбүлүкэ онтон атын сирдэригэр 33-54 мм тэҥнэһиэ диэн ыйаллар.
“Саха сирэ” хаһыат, edersaas.ru
Хаартыска: Мария ВАСИЛЬЕВА, СИА