Кэлэр нэдиэлэҕэ 22000 вакцина кэлэрэ күүтүллэр
· - Олох-дьаһах

Кэлэр нэдиэлэҕэ 22000 вакцина кэлэрэ күүтүллэр

Бүгүн, тохсунньу 14 күнүгэр, СӨ Доруобуйа харыстабылын миниистирэ Елена Борисова быһа биэриигэ тахсан өрөспүүбүлүкэҕэ коронавирус дьаҥын уопсай балаһыанньатын билиһиннэрдэ.

Ол курдук бүтэһик сууккаҕа 141 киһи коронавирус дьаҥар сутуллубут. Дьокуускайга 60 киһи, Мииринэйгэ — 19, Алдаҥҥа, Нерюнгригэ — 12 лии, Мэҥэ Хаҥаласка  — 11, Ленскэйгэ — 6.  Онтон атын улуустарга биирдиилээн түгэннэр бааллара бэлиэтэммит. Сууккаҕа лабораторияларга 2700 анаалыс оҥоһуллубут. Кини этэринэн, Дьокуускайга уонна өрөспүүбүлүкэ аҕыс оройуонугар  5000 доза вакцина түҥэтиллибит. Кэлэр нэдиэлэҕэ 22000 доза вакцина кэлэрэ күүтүллэр. Коронавирус дьаҥыттан быһыыны мэдиссиинэ тэрилтэлэригэр эрэ ылары эттэ, маны таһынан мэдиссиинэ үлэһиттэрэ тэрилтэлэринэн сылдьан туруоруохтарын сөбүн иһитиннэрдэ. Вакцина ылыах иннинэ бэрэбиэркэлэнэр наадалааҕын ыйда.  Дьокуускайга уопсайа 1800 киһи быһыыны ылбыт.

Ульяна Захарова.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

15 + 17 =